Удахгүй нээлтээ хийх Экологийн танхимд Японы Засгийн газрын тэтгэлэг, JDS хөтөлбөрөөр суралцагч залуучууд байгаль орчин экологийн ном товхимол, судалгааны материал хандивлалаа. Бидний ажлыг дэмжиж хамтран ажилласан залуучууддаа талархал илэрхийлье.

Үндэсний цэцэрлэгт хүрээлэнд гэр бүл, найз нөхдийн хамт чөлөөт цагаа өнгөрөөж байгаа иргэд та бүхэн зориулан 2014 оны 09 сарын 25-ны өдрөөс 28-ны өдрүүдэд нүүдлийн циркийн тоглолтыг зохион байгуулж байна. Тус нүүдлийн цирк нь Үндэсний цэцэрлэгт хүрээлэнгийн зүүн хэсэгт байрлаж байна. Тасалбарын үнэ 8000 төгрөг. Нийслэлийн иргэд та бүхнийг хүрэлцэн ирж үзэхийг урьж байна.

Цэцэрлэгт хүрээлэнгийн талбайд ХААИС-ийн оюутан залуус ирж хүрээлэнгийн бүтээн байгуулалт, ногоон байгууламжийн ажилтай танилцаж, манай хамт олны зарим ажилд туслан нэг өдрийн хамтдаа үр бүтээлээр арвин өнгөрөөлөө.

Орцын хэсгийн тохижилтын ажлыг ГАРДЕН СИТИ ХХК гүйцэтгэж байна.

Олон улсын хамтын ажиллагааны байгууллага Жайкагаас нийслэлийн цэцэрлэгжилт тохижилтод хувь нэмэр оруулах ногоон байгууламжийн долоон цэцэрлэгчийг Япон Улсын Хоккайда мужид мэргэшүүлэх сургалтад хамруулж байна. 

Хөх хотын Ногоон байгууламж хариуцсан дарга Лю Вейлин, Хөх хотын Гадаад харилцааны дарга Динг Чун нар Үндэсний цэцэрлэгт хүрээлэнгийн бүтээн байгуулалт, ногоон байгууламжын ажилтай танилцав.

Үндэсний цэцэрлэгт хүрээлэн гадаад харилцаа хамтын ажиллагааны хүрээнд БНСУ-ын Сөүл хоттой хамтран ажиллаж байна. Өнөөдөр БНСУ-ын Сөүл хотын Гадаад харилцааны хэлтсийн дарга Woonseok Baeк тэргүүтэй албаны төлөөлөгчдийг хүлээн авч уулзлаа.

Өнөөдөр Үндэсний цэцэрлэгт хүрээлэн Цэнгэг усны нөөц, байгаль хамгаалах төвийн хамт олноос хандивын ном хүлээн авлаа. Аянд маань идэвхтэй оролцож оюуны хөрөнгө оруулалт хийсэн та бүхэндээ баярлалаа.

Нийслэлийн харъяа байгууллагуудын дунд ECO уриан доор зохиогдсон сагсан бөмбөгийн тэмцээнд Үндэсний цэцэрлэгт хүрээлэнгийн хамт олон түрүүлж цом алтан медалийн эзэд боллоо.

Захиргааны алба