"Үндэсний цэцэрлэгт  хүрээлэн" ОНӨТҮГ-ын Үйлдвэрлэл, ногоон байгууламжийн хэлтсийн дендрологич Б.Энхсайхан “Мод сөөгний экологи биологийн онцлог” сэдэвт сургалтыг өнөөдөр /2018.01.23/  хэлтсийн  ажилтнууддаа зохион байгууллаа.

Өнөөдөр  дэлхийн цасны өдөр. Энэ өдрийг тохиолдуулан Үндэсний цэцэрлэгт хүрээлэнд “Дархан хил-Пёнчан-2018”  туг аялуулах аян, дэлхийн цасны өдөрлөгийн нээлт боллоо.

Өнөөдөр Үндэсний Цэцэрлэгт Хүрээлэнд маань Олон Улсын Хүүхдийн Найрамдал  зусланд амарч байгаа ОХУ-ын Бүгд Найрамдах Буриад Улсын Улаан-Үд хотын  8-15 насны орос, буриад сурагчид зочилж үдийн цайгаа уун хүрээлэнгийн  үйл ажиллагаатай танилцлаа.Цаашид Найрамдал зуслантай хамтран эх орны  Нийслэлийн Хамгийн том цэцэрлэгт хүрээлэнгээ гадаад орны хүүхэд  багачуудад танилцуулан сурталчлах ажлаа үргэлжлүүлэх болно.Энэ ням  гаригт ӨМӨЗО-ны сурагчид Цэцэрлэгт хүрээлэнд зочилно.

"Үндэсний Цэцэрлэгт Хүрээлэн" ОНӨТҮГ-ын дарга С.Эрдэнэтуулийн санаачлагаар,Орлогч дарга Ү.Оюунзул,Захиргаа Санхүү Mаркетингийн  хэлтсийн дарга Б.Уянга нар иж бүрэн 2 ширхэг компюьтерийг БЗД-ын  Цагдаагийн нэгдүгээр хэлтсийн албан хаагчдын ажлын  хэрэгцээнд зориулан   бэлэглэлээ. Бидний цаашдын хамтын үйл ажиллагаа өргөжин тэлж Эрүүл  аюулгүй Эко ногоон орчинд Нийслэл хотын иргэд амьдрахад чухал үүрэг  гүйцэтгэнэ  гэдэгт итгэлтэй  байна.Та бүгдийн цаашдын ажилд амжилт  хүсье!

Монгол Улсын Засгийн Газрын урилгаар БНСУ-ын Парламентийн гишүүдийн төлөөлөл төрийн албаны хүмүүсийн хамтаар “Үндэсний Цэцэрлэгт Хүрээлэн” ОНӨТҮГ-ын Сөүл хотын нэрэмжит төгөлд мод тарьлаа. Энэ удаагийн мод тарилтанд хүрээлэнгийн орлогч дарга Ү.Оюунзул мод тарих үйлсэд нэгдсэн албаны хүмүүст талархал илэрхийлж, цаашид хамтран ажиллахдаа таатай байх болно гэдгээ хэлсэн юм. Энэ өдөр хүрэлцэн ирсэн БНСУ-ын төр засгийн өндөр албан тушаал бүхий зочидыг танилцуулбал: Парламентын гишүүн Минжү намын дэд дарга Сөүл хотын намын хорооны дарга, Парламент дахь төрийн албаны байнгын хорооны гишүүн Ким Ён Жү, Парламентын гишүүн, шинжлэх ухаан технологи мэдээлэл холбооны байнгын хорооны гишүүн Ку Юун Жин, Парламентын гишүүн, эдийн засгийн халамжийн тусгай хорооны дарга, эрүүл мэнд нийгмийн хамгааллын байнгын хорооны гишүүн Ким Сан Хи, Парламентын гишүүн,Гэр бүлийн байнгын хорооны дарга, эрүүл мэнд нийгмийн хамгааллын байнгын хорооны гишүүн Нам Ин Сүн, Инчон хотын Ёнсү дүүргийн намын хорооны дарга, парламент дахь төрийн албаны байнгын хорооны гишүүн Пак Чан Дэ, КЕD-БНСУ-ын Групп Кропрацууд, Дата басс мэдээлэл, санхүүгийн судалгаа өгдөг үйлдвэрлэлийн эвслийн дарга Юүн Жүн Пил болон Ён Жү гишүүний туслах Жу Тэ Сан нар энэ үйл ажиллагаанд оролцлоо.

Best of Tastes International Food Festival 2017 "Үндэсний  Цэцэрлэгт Хүрээлэн"д зохион байгуулагдаж байна.Дэлхийн улс орон үндэстэн бүр өөрийн гэсэн онцлог амт чанарыг агуулсан хоолны арвин соёлтой байдаг. Энэхүү олон улсын фестивал, үндэстэн бүрийн хоолны хөгжил, тэдний онцгой  хэв шинжийг агуулахаас гадна өнөөгийн нийгэмд зайлшгүй тулгарч буй зөв  хооллолтын соёлыг нийтэд таниулан сурталчилах эрхэм зорилготой зохион байгуулагдаж байна.Мөн  тус арга хэмжээгээр дамжуулан Монголын урлаг соёлын үндэсний дуу хөгжим, бүжгийн тоглолтыг гадаадын иргэдэд болон олон нийтэд танилцуулж эх орноо сурталчлах давхар ач холбогдолтой болж байгаа нь тус фестивалын бас нэг онцлог болж байгаа юм.Нийслэл хотын иргэд амралтынхаа өдрийг цэвэр агаарт гэр бүл,найз нөхдөөрөө олон орны амтад зоогийг  нэг дор хямд үнээр амтлах боломж Үндэсний Цэцэрлэгт Хүрээлэнд кохион байгуулагдаж байгаа Best of Tastes International Food Festival 2017-д байна.

ИД “БАЙГАЛЬ ХҮМҮҮСИЙГ ХОЛБОНО” УРИАН ДОР НЭГДЛЭЭ
Нэгдсэн үндэсний  байгууллагын Ерөнхий Ассемблейн хурлаас анх 1972 онд жил бүрийн  06  дугаар сарын 05-ны өдрийг “Дэлхийн байгаль орчны өдөр” болгон тэмдэглэж  байхаар тунхаглан зарласан билээ. Энэ өдөр бол дэлхий нийтээрээ байгаль  орчинд ээлтэй үйл ажиллагаа явуулахыг уриалсан хамгийн томоохон  тэмдэглэлт өдрийн  нэг юм. Энэ өдрийг жил бүр өөр өөр уриатай  тэмдэглэдэг бөгөөд энэ жилийн хувьд “Байгаль хүмүүсийг холбоно” гэсэн  уриан дор нэгдлээ.

  Төрийн тусгай албан хаагчдын нэгдсэн эмнэлэг (ТТАХНЭ)-ийн хувьд байгаль  орчинд ээлтэй “Ногоон эмнэлэг” болохын төлөө зорин, эрчим хүчээ хэмнэх,  усыг үр ашигтай зарцуулах, эмнэлгийн хог хаягдлыг байгальд ээлтэйгээр  шийдвэрлэх зэрэг ажлуудыг хийж байна.

 “Ногоон эмнэлэг” зорилтын  хүрээнд 2017 оны 06 дугаар сарын 05-ны өдөр эрүүл эко орчныг эрхэмлэдэг  Үндэсний цэцэрлэгт хүрээлэн ОНӨТҮГ-тай хамтран “Дэлхийн байгаль орны  өдөр”-ийг сурталчилан, таниулах арга хэмжээг зохион байгууллаа.

  Энэ өдөр Үндэсний цэцэрлэгт хүрээлэнг зорин ирсэн иргэдэд байгаль  орчинтойгоо зөв харьцах, хайрлан хамгаалах талаар мэдээллийг өгсөн юм.  Мөн эмнэлгийн эмч, сувилагч нар иргэдийн цусны даралт үзэх, биеийн  жингийн индекс тодорхойлох, цусан дахь хүчилтөрөгчийн хэмжээг  тодорхойлох, зөвлөгөө өгөх зэрэг үйлчилгээг үнэ төлбөргүй хийлээ.

"Үндэсний цэцэрлэгт хүрээлэн"-д зөвшөөрөлгүй чанар стандартын шаардлага  хангаагүй бараа бүтээгдэхүүн худалдаалж байгаа иргэдэд  Мэргэжлийн  хяналтын газар, БЗД-ын цагдаагийн 1-р хэлтэсийн албан хаагчид, цэцэрлэгт  хүрээлэнгийн харуулийн алба,талбайн зохион байгуулагчид хамтран хяналт  шалгалт хийж зохих журамын дагуу арга хэмжээ авлаа.

                                                    Хэвлэлийн мэдээ

                                                                                                                                2017.05.13

“Үндэсний цэцэрлэгт хүрээлэн” ОНӨТҮГ бүх нийтээрээ мод тарих өдрийг 8 дахь жилдээ амжилттай зохион байгуулж байна

Бүх нийтээр мод тарих үндэсний өдөр өнөөдөр буюу энэ сарын 13-нд зохион байгуулагдаж  байна. Монгол Улсын Ерөнхийлөгч 2010 оны 4-р сарын 14-нд жил бүрийн хавар, намар “Мод тарих үндэсний өдөр зарлах тухай” 63 дугаар зарлиг гаргаснаас хойш 8 дахь жилтэйгээ золгож  байна. Энэ хаврын мод тарилтыг ”Үндэсний цэцэрлэгт хүрээлэн” ОНӨТҮГ, БОАЖЯ, НЗДТГ, НИТХ, Нийслэлийн байгаль хамгаалах газар, Нийслэлийн соёл урлагийн газартай хамтран зохион байгуулж байгаа юм.

 Туул голын ай сав дагуух нийслэлчүүдийн  ундны цэвэр усны хамгаалалтын бүс  доторх гүний худгийг хамгаалах зориулалтаар байгалийн унаган төрх, хөрсний усыг барих, хүрээлэн буй орчны экологийн тэнцвэрт байдлыг хадгалах  зорилгоор мод, бутыг төгөл хэлбэрээр тарихаар төлөвлөсөн. Энэ оны хаврын мод тарилтын үйл ажиллагаанд төр болон хувийн хэвшилийн аж ахуй нэгж нийлсэн 90 гаруй байгууллагууд болон 1000 гаран иргэд оролцож  Улиас, хайлаас, чацаргана, бургас гэсэн дөрвөн төрлийн 2000 ширхэг  мод сөөгийг  4 га  талбайд тарьж байна.Туул голын ай сав дагуух дээрх дөрвөн төрлийн мод зонхилон ургадаг гэсэн эрдэмтэдийн судалгаан дээр үндэслэн  энэ жилийн мод тарилтын ажлаа эхлүүлж байгаа юм.

Намрын нөхөн мод тарилтын ажлууд явагдаж байна.