Хачигт халдвараас урьдчилан сэргийлье!

Цаг уур ба газарзүйн байрлал, улирлын байдал зэргээс шалтгаалан хачиг нь 4-5 дугаар сарын дунд үед ичээнээс гардаг. Бие гүйцсэн хачгийн идэвхтэй үе нь хавар, зуны улирал байдаг. Та бүхэн ой модтой газар, хөдөө хээр явахдаа хачигт халдвараас сэрэмжлэх хэрэгтэй. Хачигт хазуулсны дараа хазсан хэсэгт улайх, өвдөх, ойролцоох тунгалгийн булчирхай үрэвсэх, толгой өвдөх, халуурах, хүзүү хөших, бөөлжих зэрэг зовирууд илэрвэл эмчид хандах хэрэгтэй.