“Үндэсний цэцэрлэгт хүрээлэн”-гийн хамт олон “Далайд дусал нэмэр” хандивын аянд нэгдлээ.
2021/01/22 189УИХ-ын гишүүн Э.Бат-Амгалангийнгийн санаачилсан Covid-19 цар тахлын нөхцөл байдлыг даван туулах, урьдчилан сэргийлэх зорилготой “Далайд дусал нэмэр” хандивын аянд дүүргийн нутаг дэвсгэрт үйл ажиллагаа явуулдаг төрийн болон төрийн бус байгууллага, аж ахуйн нэгжүүд идэвхтэй оролцсоор байна. “Үндэсний цэцэрлэгт хүрээлэн” ОНӨТҮГ-ын дарга Ү.Оюунзул 10,000 ширхэг амны хаалт, 1000 ширхэг бээлийг Баянзүрх дүүргийн удирдлагуудад хандив болгон хүлээлгэн өглөө. Нийгмийн хариуцлагаа ухамсарлан, хэцүү цагийг хамтдаа туулж байгаа “Үндэсний цэцэрлэгт хүрээлэн”-гийн халуун сэтгэлт хамт олонд чин угаас талархаж байгаагаа Баянзүрх дүүргийн Засаг дарга Н.Баянмөнх илэрхийлээд, “хичээл зүтгэл гаргасан хүн бүрийн магнай тэнийх сайхан өдөр удахгүй ирнээ” гэдгийг хэллээ.
“Далайд дусал нэмэр” хандивын аянд өнгөрсөн хугацаанд 120 гаруй байгууллага аж ахуйн нэгж, хувь хүн хамрагджээ. Дүүргийн хэмжээнд өрхийн орлого нь тасарсан, зорилтот бүлгийн 11 мянга гаруй өрх айлд шаардлагатай хүнсний багцаар туслалцаа үзүүлэхийн зэрэгцээ халдвараас сэргийлэх хэрэгцээт зүйлсээр ч туслаад байна.
Тохижилтын ажил нь бүрэн хийгдэж дуусаагүй зам, талбайгаар явахгүй байхыг анхааруулж байна. 
ҮНДЭСНИЙ ЦЭЦЭРЛЭГТ ХҮРЭЭЛЭН ДЭЭР СПОРТООР ХИЧЭЭЛЛЭДЭГ ХӨГЖЛИЙН БЭРХШЭЭЛТЭЙ ИРГЭД ХУВЦАС СОЛИХ БАЙРТАЙ БОЛНО 
Олон нийттэй харилцах, маркетингийн мэргэжилтэн сонгон шалгаруулж авна. 
Цэцэрлэгт хүрээлэн дэх өвөл 
Мод цаслах арга 
