НҮБ-ын суурин төлөөлөгчийн газар 200 ширхэг мод суулгалаа

НҮБ-ын Монгол дахь Суурин Төлөөлөгчийн Газар Үндэсний цэцэрлэгт хүрээлэнтэй  тогтмол  хамтын ажиллагаатай байж  нийслэлийн  ногоон байгууламжийг нэмэгдүүлэхэд хувь нэмэр оруулсаар ирсэн. Тус байгууллага хамтын ажиллагаагаа улам өргөжүүлж  өнөөдөр /2019.10.18/ Үндэсний цэцэрлэгт хүрээлэнгийн талбайд  гацуур, нарс,  хайлаас  3 зүйлийн 200 ширхэг мод суулгалаа. 

НҮБ-ын Монгол дахь Суурин Төлөөлөгчийн Газраас өнгөрсөн жилүүдэд 5 төгөл байгуулсан бөгөөд мод ургалтын байдал сайн байгаад талархалтай хандаж байлаа. Дэлхий нийтээр жил бүрийн 10-р сарын 24-ний  өдөр тохиодог Нэгдсэн Үндэстний Байгууллага байгуулагдсан өдөр-ийг угтан  НҮБ-ын хамт олон түнш байгууллагуудын хамт мод тарьж, тохижилт  хийх ажлыг санаачлан хэрэгжүүлж байгаа нь энэ юм.